काठमाडौं, २९ मंसिर । काठमाडौं महानगरपालिकाका मेयर विद्यासुन्दर शाक्यले सम्पदा पूर्ननिर्माणमा अपेक्षा अनुसारको तिव्रता दिन नसकिएको बताउनुभएको छ । २५ औं महानगर दिवसका अवसरमा आइतबार राजधानीमा आयोजित एक कार्यक्रममा मेयर शाक्यले पुरातत्व विभागको हस्तक्षेप, आपसी झगडा लगायतका कारणले कामले तिव्रता नपाएको बताउनुभएको हो ।
मेयर शाक्यले विवादकै कारण रानीपोखरी र काष्ठमण्डप पुनर्निर्माणको काम एक वर्ष ढिलागरि सुरु भएको दाबी गर्नुभयो । दिवसका अवसरमा महानगरलाई सडकमानव मुक्त अभियान शूरु गर्ने घोषणा गरिएको थियो ।
कार्यक्रममा उपमेयर हरिप्रभा खड्गीले देशको विकासका लागि अब महिला नेतृत्व आवश्यक रहेको बताउनुभयो । उहाँले अव स्थानीय तहको प्रमुख र अरु संवैधानिक निकायहरुमा महिलाहरुको सहभागिता हुनुपर्नेमा जोड दिनुभयो ।