जनकपुर, १३ मंसिर । सीताराम विवाहपञ्चमी महामहोत्सवमा सहभागी हुन राष्ट्रपति विद्यादेवी भण्डारी जनकपुर पुग्नुभएको छ । शुक्रबार बिहान नेपाली सेनाको हेलिकोप्टरबाट राष्ट्रपति जनकपुर पुग्नुभएको हो ।
राष्ट्रपति भण्डारीले जानकी मन्दिरमा पुगेर दर्शन र पूजाअर्चना गर्नुभएको छ । पूजाअर्चना पछि राष्ट्रपति भण्डारीले भारतको अयोध्याबाट विवाह पञ्चमी महोत्सवमा सहभागी हुन आएका जन्तीहरुलाई स्वागत समेत गर्नुभएको छ । साधु सन्तसहितका जन्तीहरुलाई रंगभूमि मैदानमा स्वागत गरिएको हो । राष्ट्रपति भण्डारी शुक्रबार नै राजधानी फर्कने कार्यक्रम रहेको छ ।
