जनकपुर, १३ कात्तिक । संस्कृति, पर्यटन तथा नागरिक उड्डयन मन्त्री योगेश भट्टराईले आगामी एक दशकसम्म भ्रमण वर्ष मनाउने सरकारको योजना रहेको बताउनु भएको छ ।
जनकपुरमा बुधबार आयोजित पत्रकार भेटघाट कार्यक्रममा बोल्दै मन्त्री भट्टराईले भ्रमण वर्ष २०२० प्रचारप्रसारको थालनी मात्रै भएको बताउँदै आगामी एक दशकसम्म भ्रमण वर्ष मनाउने रणनीति रहेको बताउनु भएको हो ।
उहाँले विभिन्न ठाउँबाट जनकपुरधामको भ्रमणमा आउने पर्यटकहरुका लागि विशेष तयारी गर्नु पर्ने र उनीहरुलाई आकर्षक स्थललाई विशेष व्यवस्था गर्नुपर्नेमा जोड दिनुभयो ।
यसका लागि पर्यटकलाई रोक्ने प्रकारको वातावरण बनाउनु पर्ने आवश्यकता रहेको उहाँको भनाइ थियो । एक प्रदेशलाई अर्को प्रदेशसँगको समन्वय र सहकार्यमा जोड्नका लागि विभिन्न स्थललाई विभिन्न प्रदेशसँग जोड्ने गरी प्रदेश सर्किट बनाउनु पर्ने आवश्यकता रहेको मन्त्री भट्टराईले औल्याउनु भयो ।
