काठमाडौं, ४ भदौ । भारतमा जारी पाँचौं संस्करणको साफ यू–१५ फुटबलको पहिलो खेलमा नेपाल आयोजक भारतसँग पराजित भएको छ । बुधवार भारतको कल्याणीमा भएको पहिलो खेलमा नेपाल भारतसंग ५–०गोल अन्तरले पराजित भएको हो ।
खेलमा भारत ५ पटक नेपालको पोस्टमा प्रहार गर्दा ५ पटक नै गोल गर्न सफल भएको थियो। यता, नेपालले भने भारतीय गोलपोस्टमा एक पटक पनि प्रहार गर्न सकेन । प्रतियोगितामा नेपालसहित भारत, बंगलादेश, श्रीलंका र भुटानको सहभागिता रहेको छ ।
नेपालले दोस्रो खेल भदौ ६ गते श्रीलंकाविरुद्ध, १० गते बंगलादेशविरुद्ध तथा १२ गते भुटानविरुद्ध खेल्ने छ । राउन्ड रोबिनको आधारमा हुने प्रतियोगितामा शीर्ष दुई टोलीले उपाधिका लागि प्रतिस्पर्धा गर्ने छन् ।
