चितवन, ३ बैशाख । पूर्वपश्चिम राजमार्ग अन्तर्गत चितवनको टिकौली जंगलमा गएराती गुडिरहेको बसमा आगलागी भएको छ ।
भरतपुरबाट टाँडीतर्फ जाँदै गरेको ना. ५. ख. ३३६८ नम्बरको बसमा राती पौने ९ बजे अचानक आगलागी भएको जिल्ला प्रहरी कार्यलय चितवनले जनाएको छ । चालक र सह चालक बाहेक बसमा कोही नभएकाले मानवीय क्षति भने हुन नपाएको चितवन प्रहरीले जनाएको छ । बस जलेर आँशिक क्षति पुगेको छ । बसमा लागेको आगो भरतपुर महानगरको सहयोगमा नियन्त्रणमा लिइएको थियो ।
