कोमल प्रसाद दुलाल
काठमाडौं, २४ चैत । सरकारी चिकित्सकहरुको आन्दोलनका कारण आईतवार देशभरका स्वास्थ्य सेवा प्रभावित भईरहेका बेला देशभर विश्व स्वास्थ्य दिवस समेत मनाईएको छ । स्वास्थ्य सेवामा सबैको पहुँच हुनुपर्ने आवश्यक्तमा जोड दिदै जनचेतनमुलुक कार्यक्रम गरिएको हो ।
आईतवार अप्रिल ७ अर्थात, विश्व स्वास्थ्य दिवस । नेपालमा पनि विभिन्न कार्यक्रम गरी यो दिवस मनाईएको छ । स्वास्थ्य सेवामा सबैको पहुँच पु¥याउने उदेस्यले विभिन्न किसिमको जनचेतना मुलुक कार्यक्रम गरी मनाईएको हो ।
यो काठमाडौंको बसन्तपुरमा आयोजित कार्यक्रममा राष्ट्रिय स्वास्थ्य शिक्षा तथा सूचना केन्द्रका निर्देशक सुनिलराज शर्माले सरकारले सवै नागरिकको स्वास्थ्य सेवाबाट वञ्जित हुन नपरोस् भनेर त्यसै अनुरुप काम गरिरहेको बताए । उनले सरकारले चालू आर्थिक वर्ष भित्रैबाट स्वास्थ्यमा सबैको पहुँच पु¥याउने उद्देश्यका साथ देशभर १ हजार २ सय स्वास्थ्य चौंकी निर्माणको काम सुरु गरेको पनि जानकारी दिए ।
विश्व स्वास्थ्य संगठन स्थापनाको दिन पारेर हरेक वर्ष अप्रिल ७ का दिन विश्वभर स्वास्थ्य दिवस मनाउने गरिन्छ । हाल विश्वभर करिव ३० करोड मानिसहरु डिप्रेशनको शिकार भएको विश्व स्वास्थ्य संगठनको तथ्यांकमा उल्लेख छ । नेपालमा भने ८ लाख ९० त्यस्ता रोगीहरुको संख्या रहेको विभिन्न अध्ययन प्रतिवेदनले देखाएको छ । डिप्रेशनको रोगीको संख्या घटाउन पनि नेपालमा गरिवी र बेरोजगारी समस्या समाधान गर्नुपर्ने चिकित्सकहरुको भनाई छ ।
