एजेन्सी, १४ भदौ । लाइसिस्टर सिटीका मिडफिल्डर ड्यानी ड्रिकंवाटरले क्लब छोड्ने पक्का भएको छ । बीबीसीका अनुसार उनी चेल्सीमा अनुबन्ध हुनका लागि सो क्लब छोड्न लागेका हन् ।
चेल्सीका पहिलो रोजाईमा परेका उनले सोमबार ट्रान्सफर बजारमा आफु सर्न चाहेको पत्र बुझाएका थिए ।
लाइसिस्टर सिटीका अनुसार ४० मिलियन युरोको हाराहारीमा उनको मुल्य तय गरे तापनि चेल्सीले ३० मिलियन युरो सम्ममा भित्र्याउने आशा राखेको छ ।
दुई क्लब बिचमा ड्रिकंवाटरको मुल्य निर्धारणका लागी छलफल भइराखेको छ ।
चेल्सीले ड्रिकंवाटरको अनुबन्धसँगै क्लबलाई प्रिमिएर लिग जित्न सहज हुने दाबी गरेको छ ।
२०१६मा लाइसिस्टरलाई प्रिमिएर लिगको उपाधि जिताउनुमा २७ वर्षीय खेलाडी ड्रिकंवाटरको महत्वपुर्ण भुमिका रहेको थियो ।
