ब्रिगेड ब्वाइजद्वारा फ्रेण्डस क्लव पराजित
शहीद स्मारक ए डिभिजन लिग फुटबलमा नेपाल आर्मी क्लबलाई जावलाखेल युथ क्लबले गोलरहित बराबरीमा रोकेको छ ।
हलचोकस्थित एपीएफको खेलमैदानमा सोमबार भएको १२ औं राउण्डको खेलमा आर्मीले जावलाखेल युथ क्बलसँग गोलरहित बराबरी खेलेको हो ।
खेल अवधिभर आर्मीले बल नियन्त्रणमा राखे पनि गोल गर्न भने सकेन । पहिलो हाफमा आर्मीले एकपछि अर्को अवसर खेर फालेको थियो । दोस्रो हाफमा पनि आर्मीको अवस्था उस्तै देखिएको थियो ।
यता, जावलाखेलले भने आर्मिबिरुद्ध उत्कृष्ट प्रदर्शन ग-यो । बराबरीसँगै आर्मीको १२ खेलबाट २२ अंक भएको छ । यता, जावलखेलको भने १२ खेलबाट १२ नै अंक रहेको छ ।
ब्रिगेड ब्वाइजद्वारा फ्रेण्डस क्लव पराजित
यसैगरी सोमवार नै भएको अर्को खेलमा ब्रिगेड ब्वाइज क्लब (बीबीसी) ले फ्रेन्ड्स क्लबलाई ३–० गोलअन्तरले पराजित गरेको छ । ललितपुरको सातदोबाटोस्थित एन्फा कम्प्लेक्सको खेल मैदानमा जित हात पार्ने क्रममा बीबीसीका लागि काजिम बुसारीले दुई गोल गरे ।
त्यस्तै, अब्बु सियहले गोल गरे । जितसँगै बीबीसीको १२ खेलबाट ९ अंक भएको छ । पराजित फ्रेन्ड्स क्लबको भने १२ खेलबाट ९ अंक रहेको छ ।
यसैगरी सोमबार नै भएको खेलमा न्युरोड टिम र मछिन्द्र क्लबबीचको खेलमा दुबै टिमले ५–५ गोलको बराबरी खेल्दै अंक बाँडेका छन् ।
