काठमाडौं, ११ कात्तिक । प्रहरीले कोहलपुर नगरपालिका–२ मुगालीबस्तीबाट दुई वटा रेड पाण्डाको छालासहित एक जनालाई पक्राउ गरेको छ ।
बाँकेका प्रहरी निरीक्षक देबिप्रसाद पौडेलको नेतृत्वमा गएको टोलीले कोहलपुर–२ का ३१ बर्षी मानबहादुर शाहीलाई शनिबार साँझ उनकै घरबाट नियन्त्रणमा लिएको हो ।
बरामद छाला र शाहीलाई जिल्लाप्रहरी कार्यालय बाँकेमा सार्वजनिक गर्दै बाँके प्रहरी प्रमुख अरुण पौडेलले पक्राउ परेका व्यक्तिलाई कानुन अनुसार कारबाही गरिने बताए । रेडपाण्डाको छाला विश्वबजारमा वहुमुल्यमा विक्रि हुने गर्दछ ।