पोखरा, २३ भदौ । कास्किको वेगनास तालमा डुंगा दुर्घटना भएको छ । डुंगा पल्टिदा पोखरा २८ की कृष्णकुमारी वजगाँइ र लेखनाथकी जमुना कँडेलको मृत्यु भएको कास्कि प्रहरीले जानकारी दिएको छ ।
प्रहरीका अनुसार अन्य तीन जनाको उद्धार गरिएको छ । डुंगामा सवार अन्य चारजना हराइरहेका छन् । हराएकाहरुको खोजी कार्य जारी रहेको उद्धारमा खटिएका प्रहरी नायव उपरिक्षक रविन्द्रमान गुरुङले बताए । डंगामा ९ जना यात्रु सवार रहेका थिए ।
