काठमाडौं, १९ असार । महोत्तरीका ५० भन्दा बढी गाउँ बाढीको उच्च जोखिममा परेका छन् ।
तीन दिनदेखि परेको अबिरल वर्षाका कारण महोत्तरीका आठ नगरपालिका र दुई गाउँपालिकाका ५० भन्दा बढी गाउँ बाढीको उच्च जोखिममा परेका हुन् । रातु, मरहा, जंघा, विग्ही, कुटमेश्वरीलगायत नदीमा पानीको सतह तीव्ररुपमा बढिरहेका कारण स्थानीयवासी त्रसित भएका छन् । स्थानीयवासीले बाढी कुनै पनि बेला बस्तीमा पस्न सक्ने बताएका छन् ।
स्थानीय तहका प्रमुखहरुले लगातारको वर्षाका कारण ठूलै बाढी आउन सक्ने संकेत देखिएको भन्दै स्थानीयवासीलाई सतर्क रहन आग्रह गरेका छन् ।
