डोटी, ४ असार । डोटीको जोरायल गाउँपालिकाको विभिन्न ठाउँमा रहेको गाँजा नष्ट गरिएको छ । लक्ष्मिनगर, चनकट्टे र सरस्वतीनगरको १५ रोपनी क्षेत्रमा उम्रिएको गाँजा नष्ट गरिएको जिल्ला प्रहरी कार्यालय डोटीका प्रमुख प्रहरी उपरीक्षक विद्यानन्द माझीले बताए ।
गाँजा नष्ट गर्ने अभियानमा स्थानीय, समावसेवी र शिक्षकले पनि साथ दिएका छन् । लागुऔषध नियन्त्रण गर्ने उद्देश्यले डोटी प्रहरीले गाँजा नष्ट गर्ने अभियान चलाएको हो ।
