काठमाडौं, २७ जेठ । कालिकोट नरहरीनाथ गाउँपालिका–९ की वडा सदस्य मुना सार्कीको हत्यारालाई पक्राउ गरी कार्बाही गर्न सरकारले विशेष छानविन समिति गठन गरेको छ ।
आइतबारको राष्ट्रियसभा बैठकमा गृहमन्त्री रामबहादुर थापाले सार्कीको हत्यारालाई पक्राउ गरी कार्बाही गर्न विशेष छानवीन समिति गठन गरिएको जानकारी गराए । हत्यालगायत महिला हिंसाका घटना रोक्न सरकारले विशेष अभियान नै सञ्चालन गरेको उनको भनाइ छ ।
बैठकमा राष्ट्रियसभाका सांसदहरुले महिला वडा सदस्य सार्कीको हत्यारालाई तत्काल पक्राउ गरी कडा कार्वाही गर्न सरकारको ध्यानाकर्षण गराएका थिए ।
