काठमाडौं, २४ जेठ । बिहीबार १० औं राष्ट्रिय खाद्य स्वच्छता दिवस विभिन्न जनचेतनामूलक कार्यक्रम गरी मनाइएको छ । यसै अवसरमा सरकारले खाद्यमा स्वच्छता र गुणस्तर कायम गर्न सरोकारवाल सबैलाई आह्वान गरेको छ ।
ललितपुरमा आयोजित एक कार्यक्रममा बोल्दै खाद्य प्रविधि तथा गुण नियन्त्रण विभागमा उपमहानिर्देशक डा. मतिना जोशी बैद्यले खाद्यमा स्वच्छता र गुणस्तर कायम गर्न सरोकारबाला सबैलाई आह्वान गरे ।
उनले खाद्यमा स्वच्छता र गुणस्तर कायम गर्न बजार अनुगमनको कामका कडाई गर्ने चेतावनी दिए । विभागले आयातजन्य खाद्य बस्तु गुणस्तरीय भए/नभएको अनुगमनका लागि विशेष अभियान नै संचालन गर्ने योजना पनि बनाएको छ । यसैगरी देशका विभिन्न भागमा पनि १० औं राष्ट्रिय खाद्य स्वच्छता दिवस मनाइएको छ ।
