काठमाण्डौँ, १ भदौ । चर्चित अभिनेत्री झरना थापाले निर्देशनमा डेब्यू गरेको फिल्म ‘ए मेरो हजुर २’ को नयाँ गीत सार्वजनिक भएको छ । प्रदर्शनको संघारमा रहेको यस फिल्मको उकालीमा जाँदा गीतको भिडियो सार्बजनिक गरिएको हो ।

यही भदौ १६ गतेदेखि प्रदर्शनमा आउने ‘ए मेरो हजुर २’ को यस गीतमा साम्राज्ञी शाह, सलिनमान बानिया, सलोन बस्नेतलाई फिचरिङ गरिएको छ । बसन्त सापकोटाको शब्द तथा संगीत रहेको गीतमा राजेशपायल राई र इन्दिरा जोशीको स्वर रहेको छ । बसन्त सापकोटाको शब्द तथा संगीत रहेको यो गीतमा राजेशपायल राइ र इन्दिरा जोशीको आवाज छ ।

झरनाका पति सुनिलकुमार थापाले निर्माण गरेको चलचित्रमा कविराज गहतराज र रेनशा वान्तवा राइको कोरियोग्राफी रहेको छ । चलचित्रमा संजय लामाको छायांकन छ । यस चलचित्रको यस अघि सार्वजनिक भएको दुई गीतले पनि दर्शकको मन जित्न सफल भएको थियो ।