रुपन्देही, १६ जेठ । रुपन्देहीको बुटवल—भैरहवा–बेलहिया सिक्सलेन सडकखण्डमा बनाउन लागिएको १० वटा आकाशे पुलको निर्माण कार्य ४० प्रतिशत सकिएको छ ।
आगामी असारभित्र निर्माण सक्नुपर्ने सम्झौता भएपनि अहिलेसम्म ४० प्रतिशतमात्र काम सकिएको आयोजनाका इन्जिनियर योगेन्द्र अधिकारीले जानकारी दिए । प्रविधिक अध्ययन बिना नै आकाशे पुल बनाउन सुरु गरिएकाले निर्माणमा ढिलाइ भएको हो ।
असारभित्र चार वटा आकाशे पुल मात्र निर्माण सम्पन्न हुने आयोजनाको भनाइ छ । १२ करोडको लागतमा २०७३ चैत्रबाट सो सडकखण्डमा १० वटा पुल बनाउन सुरु गरिएको हो ।