काठमाडौं, २० वैशाख । विभिन्न मागसहित आन्दोलनमा उत्रिएको संयुक्त विद्यार्थी संगठनले शिक्षा विकास तथा समन्वय इकाई इलामको कार्यालयमा तालाबन्दी गरेको छ ।
अनेरास्ववियु, नेविसंघ, अखिल (क्रान्तिकारी), समाजवादी विद्यार्थी फोरम र नयाँ शक्ति विद्यार्थी युनियन सम्मिलित संयुक्त विद्यार्थी संगठनले बिहीबार प्रहरीको घेरा तोडेर तालाबन्दी गरेका हुन्।
उनीहरुले जिल्ला शिक्षा कार्यालयसँग विभिन्न ११ बुँदे शैक्षिक माग राखेका छन् । तालाबन्दीपछि कार्यालयमा संयुक्त विज्ञप्ति टाँसी आफ्ना माग पूरा नभएसम्म तालाबन्दी जारी राख्ने उनीहरुले चेतावनी दिएका छन् ।
