धनगढी, ३० चैत । धनगढी प्रिमियर लिग (डीपीएल) क्रिकेटको उपाधिका लागि आज टिम चौराह धनगढी र काठमाडौं गोल्डेन्स भिड्दैछन् । खेल अपरान्ह साढे १२ बजेपछि सुरु हुनेछ ।
प्रतियोगितामा धनगढी र काठमाडौंले आपसमा दुई खेल खेलेकामा दुवैले एक एक खेल जितेका थिए । धनगढीले क्वालिफायरमा काठमाडौंलाई एक विकेटले पराजित गरेर फाइनलको यात्रा तय गरेको हो भने काठमाडौंले इलिमिनेटरमा महेन्द्रनगरलाई पाखा लगाएर फाइनलको टिकट पक्का गरेको हो ।
धनगढी उद्घाटन खेलमा काठमाडौंसँग सात विकेटले पराजित भएको थियो । दुवै टिमका कप्तानले उपाधि जित्ने दाबी गरेका छन् । उपाधि विजेताले २५ लाख तथा उपविजेताले १० लाख रुपैयाँ पाउनेछन् ।
प्रतियोगीतामा सबैभन्दा कम बलमा अर्धशतक बनाएका र सबैभन्दा धेरै विकेट लिएका खेलाडी काठमाडौंसँग छन् ।
