राष्ट्रपति विद्यादेवी भण्डारीलाई नै भावि राष्ट्रपतिको उम्मेदवार बनाउने एमालेको निर्णय | ईमाउण्टेन समाचार

Our Network

साउन ५ २०८१, शनिबार

राष्ट्रपति विद्यादेवी भण्डारीलाई नै भावि राष्ट्रपतिको उम्मेदवार बनाउने एमालेको निर्णय

सत्तारुढ नेकपा एमालेले वर्तमान राष्ट्रपति विद्यादेवी भण्डारीलाई नै भावि राष्ट्रपतिका लागि उम्मेदवार बनाउने निर्णय गरेको छ ।

bidhaya

काठमाडौं, २३ फागुन । सत्तारुढ नेकपा एमालेले वर्तमान राष्ट्रपति विद्यादेवी भण्डारीलाई नै भावि राष्ट्रपतिका लागि उम्मेदवार बनाउने निर्णय गरेको छ ।

प्रधानमन्त्री निवास बालुवाटारमा करिव आठ घन्टा लगातार बसेको बैठकले पार्टीका पूर्व उपाध्यक्षसमेत रहेकी भण्डारीलाई उम्मेदवार बनाउने निर्णय गरेको हो । प्रतिनिधिसभा र प्रदेशसभा निर्वाचन देखि नेकपा माओवादी केन्द्र सँगको गठबन्धनमा रहेको संघीय संसद्को ठूलो दल एमालेले बनाउने उम्मेदवारले सहज विजय हासिल गर्ने देखिन्छ । उपराष्ट्रपतिमा केन्द्रले उम्मेदवार तोक्नेछ ।

बैठकपछि संक्षिप्त प्रतिक्रिया दिँदै एमालेका उपाध्यक्ष वामदेव गौतमले स्थायी कमिटीले भण्डारीलाई पुनः राष्ट्रपति बनाउने निर्णय गरेको जानकारी दिए । बैठकअघि पार्टीका अध्यक्ष एवं प्रधानमन्त्री केपी शर्मा ओलीले बरिष्ठ नेताहरु झलनाथ खनाल, माधवकुमार नेपाललगायतसँग परामर्श गरेका थिए । बरिष्ठ नेता खनाल पनि राष्ट्रपतिका लागि इच्छुक थिए ।

एमालेभित्र वर्तमान राष्ट्रपति विद्यादेवी भण्डारीलाई पुनः उम्मेदवार बनाउने वा नयाँ उम्मेदवारी दिने भन्नेमा बहश चलेपनि अन्ततः भण्डारीका पक्षमा निर्णय भएको छ । यही फागुन २९ गतेका लागि तोकिएको राष्ट्रपतिको निर्वाचन कार्यतालिका अनुसार आज दिउँसो तीन बजेसम्म मनोनयन दर्ता गर्नुपर्नेछ ।

(function ($) { $(function () { $('#announcementModal').modal('show'); }) })(jQuery);