क्यानडामाथि लगाइने ५० प्रतिशत भन्सार शुल्क तीन दिनका लागि स्थगन गर्ने ट्रम्पको घोषणा

अमेरिकी राष्ट्रपति डोनाल्ड ट्रम्पले क्यानडाविरुद्ध लगाउने घोषणा गरिएको ५० प्रतिशत भन्सार शुल्कलाई तीन दिनका लागि स्थगन गरिएको जानकारी दिनुभएको छ । बुधवारदेखि कार्यान्वयनमा आउन लागेको उक्त भन्सार महशुल दुई मुलुकबीच भएको नयाँ सहमतिसँगै तत्कालका लागि रोकिएको हो । राष्ट्रपति ट्रम्पले सामाजिक सञ्जाल ट्रुथ सोसलमार्फत क्यानडा र अमेरिकाबीच एक सम्झौता भएको उल्लेख गर्दै आवश्यक कागजातहरूलाई अन्तिम रूप दिन बाँकी रहेकाले सो अवधिभरका लागि शुल्क स्थगन गरिएको बताउनु भयो ।
यसअघि ट्रम्पले क्यानडाबाट आयात हुने सामग्रीहरूमा ५० प्रतिशत भन्सार शुल्क लगाउने चेतावनी दिनुभएको थियो । उक्त निर्णय कार्यान्वयन हुनुभन्दा अगावै दुई देशबीचको वार्ता सकारात्मक बनेपछि यो कदम चालिएको हो ।