काठमाडौं, १० फागुन । सर्वोच्च अदालतले सवारी साधानमा इम्बोस्ड नम्बर प्रयोग गर्ने निर्णय तत्काल कार्यान्वयन नगर्न आदेश दिएको छ । इम्बोस्ड नम्बर देवनागरी लिपीमा हुनुपर्ने माग गर्दै भरत बस्नेतले दायर गरेको रिटमा प्रधानन्यायाधीश गोपाल पराजुलीको एकल इजलासले अन्तरिम आदेश दिएको हो ।
आदेशमा देवनागरी लिपी राख्न नसक्ने कारण मागिएको छ । नेपाली नम्बर राख्न नसकिने लिखित कारणसहित सात दिन भित्र जवाफ दिन अदालते आदेश दिएको हो । यातायात व्यवस्था विभागले भदौ ५ गतेबाट सवारी साधनमा इम्बोस्ड नम्बर प्लेट राख्न सुरु गरेको थियो । अन्य देशमा पनि सम्बन्धित देशको भाषामा इम्बोस्ड नम्बर प्रयोग भएको भन्दै सर्वोच्चमा रिट दायर भएको थियो ।
