एजेन्सी, ४ फागुन । दक्षिण अफ्रिकाको राष्ट्रपतिमा अफ्रिकन नेशनल कांग्रेस (एएनसी)का सभापति सिरिल रामापोसा नियुक्त भएका छन । अफ्रिकाको संसदले सिरिल रामापोसालाई निर्विरोध राष्ट्रपति चयन गरेको हो । उनि यस अघि उपराष्ट्रपति थिए । विवादित राष्ट्रपति ज्याकोब जुमाले बुधबार पदबाट राजीनामा दिएपछि संसदले रामापोसालाई राष्ट्रपतिमा चयन गरेको हो ।
प्रधानन्यायाधीश मोख्वेङ मोख्वेङले रामापोसा निर्विरोध निर्वाचित भएको घोषणा गरेका थिए । रामापोसाले राष्ट्रपति चयन भएपछि सांसदमा सम्बोधन गर्दै जनताको जीवनस्तर सुधार्न सबै दलहरुसँग मिलेर काम गर्ने बताए । उनले जनताको जीवनस्तर उकास्न भ्रष्टाचार बिरोधी अभियान लिएर जनताका बीचमा जाने प्रतिवद्वता जनाए ।
