काठमाडौं, ३ फागुन । प्रधानसेनापति तेस्रो राष्ट्रिय पुरुष भलिबल प्रतियोगिता २०७४ सञ्चालन हुने भएको छ । आज नेपाली सेनाले काठमाडौंमा पत्रकार सम्मेलन गरी प्रतियोगिताको बारेमा जानकारी गराएको हो ।
प्रतियोगितामा ७ प्रदेशका ८ टोलीको सहभागीता रहनेछ । नेपाल इन्भेष्टमेन्ट बैँकको प्रायोजनमा सञ्चालन हुने प्रतियोगितामा प्रथम हुने टोलीलाई ३ लाख, दोस्रो हुनेलाई १ लाख ५० हजार र तेस्रो हुनेलाई ७५ हजार नगदसहित प्रमाणपत्र र मेडल वितरण गरिनेछ । प्रतियोगिताको विभिन्न विधामा उत्कृष्ट हुने खेलाडीलाई मेडलसहित १० हजार नगद वितरण गरिने छ ।
प्रतियोगिता फाल्गुण ६ गतेबाट १२ गतेसम्म लगनखेलस्थीत सैनिक शारिरीक तालिम तथा खेलकुद केन्द्रमा सञ्चालन हुनेछ ।
