ललितपुरको कुपण्डोलस्थित दाउरा थकाली भान्साघरमा लागेको आगो नियन्त्रणमा आएको छ ।

करिब पौने ४ बजेदेखि सुरुभएको आगलागि लगभग एक घण्टाको प्रयासपछि दमकलको सहायताले नियन्त्रणमा आएको हो । विद्युत सर्ट भएर सल्किएको आगोले ठूलो रूप लिए पनि मानवीय क्षति हुन नपाएको जिल्ला प्रहरी परिसर ललितपुरले जनाएको छ । ललितपुर र काठमाडौंका दुवै महानगरपालिकाका दमकल, सेना, प्रहरी र सशस्त्र प्रहरीको दमकलमार्फत् तीन वटै सुरक्षा निकायको प्रयासले आगो नियन्त्रणमा आएको हो । भवनको सातौं तल्लामा सञ्चालित भान्साघरले परम्परागत शैली देखाउन छतमा छ्वाली र दाउरा समेत राखेको थियो । आगलागिबाट ठूलो भौतिक क्षति भएको अनुमान गरिएको छ । प्रहरीले थप अनुसन्धान थालेको छ ।