काठमाडौं,२८ माघ । सरकारले चियाको उत्पादन, प्रशोधन र बजारीकरण गर्ने उद्देश्यका साथ चिया गणना कार्यक्रम–२०७४ सञ्चालनमा ल्याएको छ । राष्ट्रिय चिया तथा कफी विकास बोर्डले केन्द्रीय तथ्यांक विभागको सहयोगमा चिया गणना कार्यक्रम सूरु गरेको हो ।
४० जना चियाका गणकहरुलाई नियुक्ती गरेर देशभर चिया गणना कार्यक्रम सञ्चालन गरिएको बोर्डका कार्यकारी निर्देशक शेषकान्त गौतमले जानकारी दिए । गणकहरुले चियाको उत्पादन र त्यसले दिएको रोजगारी लगायतका तथ्यांक संकलन गर्नेछन विश्व बजारमा नेपाली चियाको माग बढदै गएकाले सोही मागलाई धान्ने गरी उत्पादन बढाउन पनि चिया गणना कार्यक्रम सहयोगी हुने बोर्डको भनाइ छ ।
नेपालका वार्षिक ५० लाख केजी चिया उत्पादन हुने गरेको छ । जसमध्ये ९० प्रतिशत भारत र १० प्रतिशत तेस्रो मुलुकमा निर्याय हुने गरेको चिया तथा कफी विकास बोर्डको तथ्यांकमा उल्लेख छ ।
