एजेन्सी, १९ माघ । स्पेनिस कोपा डेल रे कप फुटबलको सेमिफाइनलको पहिलो लेगमा बार्सिलोनाले भ्यालेन्सियालाई १-० ले पराजित गरेको छ ।
घरेलु मैदानमा भएको खेल पूरै आफ्नो नियन्त्रणमा राखे पनि बार्सिलोनाले गोलका लागि दोस्रो हाफसम्म पर्खनुपर्यो । दोस्रो हाफको ६७ अौं मिनेटमा लुइस स्वारेजले गोल गर्दै बार्सिलोनाको जीत सुनिश्चित गरेका हुन् । लिओनल मेस्सीले दिएको पास सदुपयोग गर्दै स्वारेजले गोल गरे ।
बार्सिलोना र भ्यालेन्सियाबीचको दोस्रो लगे भ्यालेन्सियाको मैदानमा ६ दिनपछि हुने छ ।
