‘दूध तथा दुग्ध पदार्थको सेवन, दुग्ध व्यवसायको प्रवर्धन’ नारासहित विभिन्न कार्यक्रम गरी आज विश्व दूध दिवस मनाइँएको छ ।
विश्वमा दुग्ध क्षेत्रले पोषण तथा खाद्य सुरक्षण एवं जीविकोपार्जनमा पु¥याएको योगदानको मनन गर्दै दूधको उपभोगमा वृद्धि गर्न राष्ट्रसंघको खाद्य तथा कृषि संगठन एफएओले सन् २००१ देखि जुन १ तारिखलाई विश्व दूध दिवस मनाउन सुरु गरेको हो ।
नेपालले पनि सन् २०११ देखि दूध दिवस मनाउन थालेको हो । दिवसका अवसरमा केन्द्रीय स्तरमा राष्ट्रिय दुग्ध विकास बोर्डको संयोजकत्व र विभिन्न सरोकारावाला निकायको सहयोगमा बालबालिका तथा वृद्धाश्रमका ज्येष्ठ नागरिकलाई दुग्धपान, दूधको सेवनसम्बन्धी उपत्यकाव्यापी विद्यालय स्तरीय वक्तृत्वकला प्रतियोगिता र दुग्ध क्षेत्रमा योगदान पु¥याउने विशिष्ठ व्यक्तिलाई सम्मान गर्न कार्यक्रम हुँदैछ ।
सातै प्रदेशमा भूमि व्यवस्था कृषि तथा सहकारी मन्त्रालय, प्रदेश दुग्ध विकास बोर्ड, पशु सेवा विज्ञ केन्द्र, जिल्ला दुग्ध उत्पादक सहकारी संघलगायतले विभिन्न कार्यक्रम गरी दिवस मनाइरहेको नेपाल डेरी एसोसियसनले जनाएको छ ।
नेपाल डेरी एसोसिएसनका अनुसार दूधको उत्पादन वार्षिक ४ दशमलव ७९ प्रतिशतले बढ्दै गएको छ । आर्थिक वर्ष २०७८÷०९ मा देशभर २५ लाख ६६ हजार ६१४ मेट्रिकटन दूध उत्पादन भएको एसोसिएसनको तथ्यांक छ । तर माग पूरा हुन नसक्दा दुग्ध पदार्थ आयात गर्नु पर्ने बाध्यता भने छदै छ । ०००
