काठमाडौं,८ फागुन । नेपाली कांग्रेसका ६ वटा शुभेच्छुक संस्थाहरुले महासमिति बैठक बहिष्कार गरेका छन् ।
सोमबारदेखि ललितपुरको गोदावरीमा जारी समितिको बैठक नेपाल शिक्षक संघ, नेपाल डेमोक्रेटिक लयर्स एसोसिएसन, प्रजातान्त्रिक चिकित्सक संघ,ट्रेड युनियन कांग्रेस, सेन्टर फर डेमेक्रेटिक इन्जिनियर्स नेपाल (सिडेन) र नेपाल प्रेस युनियनले बहिष्कार गरेका हुन् ।
संस्थाहरुले आफुहरुले पठाएका प्रतिनिधिहरुको नाम समावेश नगरिएको भन्दै बैठक बहिष्कार गरेका हुन् ।
कांग्रेसको विधानअनुसार केन्द्रीय अध्यक्षसहित एउटा संस्थाबाट ३ जना महासमिति व्यवस्था भएपनि त्यसो नगरिएको भन्दै ती संस्थाहरुले आपत्ति जनाएको बुझिएको छ । आज बन्द सत्र सुरु हुँदैछ ।
