काठमाडौं,२२ माघ । दक्षिण अफ्रिकामा भएको एकदिवसीय क्रिकेटमा सहभागी भइ नेपाली यु—१९ राष्ट्रिय क्रिकेट टोली स्वदेश फर्किएको छ । सोमवार बिहान त्रिभुवन अन्तर्राष्ट्रिय विमानस्थल हुँदै टोली स्वदेश फर्किएको हो । यु १९ विश्वकपमा नेपाल सुपर सिक्ससम्म पुगेको थियो । समूहचरणमा नेपालले न्युजिल्याण्ड र पाकिस्तानसँग हार व्यहोर्दा फगानिस्तानलाई पराजित गरेको थियो । त्यस्तै सुपरसिक्समा बंगलादेश र भरतसँग पराजित भएको हो । विमानस्थलमा सञ्चारकर्मीहरुसँग कुरा गर्दै नेपाली यु १९ टिमका कप्तान देव खनालले समग्रमा खेल राम्रो भएको बताउनु भयो । उहाँले नयाँ नयाँ खेलमा नयाँ कुरा सिक्न पाएको बताउनु भयो ।
विश्वकप एउटा सपना हुने भन्दै उहाँले विश्वकपमा नेपालले ब्याटिङमा राम्रो गर्न सकेको भए केही नतिजा आफ्नो पक्षमा आउने बताउनु भयो । उहाँले विश्वकपमा आकाश चन्द, सुवास भण्डारी र अर्जुन कुमालको प्रश्तुती समग्रमा राम्रो भएको र गुल्शन झाको प्रश्तुती भने बलिङमा राम्रो भएपनि ब्याटिङमा राम्रो हुन नसकेको बताउनु भयो । उहाँले गुल्शन झा नेपालको लागि कस्तो खेलाडी हो ? भन्नेकुरा सबैलाई थाहा भएको भन्दै सधैँ खेलाडीहरु राम्रो खेलि नै रहन्छन् भन्ने नहुने बताउनु भयो । उहाँले विश्वकपमा राम्रँे स्टार्ट पाएर पनि ठूलो स्कोर बनाउन नसक्दा भने नरमाइलो लागेको बताउनु भयो ।
उहाँले भन्नुभयो, ‘नयाँ नयाँ खेलमा नयाँ कुरा सिकिन्छ, त्यो कुराहरु सिक्दै गइरहेका छौँ । विश्वकप भनेको एउटा सपना हुने रहेछ । ब्याटिङमा अलि राम्रो भइदिएको भए यो भन्दा राम्रो गर्न सकिन्थ्यो । आकाश, सुवास, अर्जुनले राम्रो खेले । सधैँ राम्रो हुन्छ भन्ने हुँदै क्रिकेटमा । गुल्शनको राम्रो भएन । बलरमा राम्रो भयो उसको, ब्याटिङमा भएन । तर गुल्शन कस्तो खेलाडी हो भन्ने सबैलाई थाहा छ । कमब्याक पर्मानेन्ट कमब्याक जस्तो होस् बल्ल खुशी मिल्छ ।’
त्यस्तै गुल्शन झाले समग्रमा विश्वकप राम्रो भएको बताउनु भयो । उहाँले बलिङमा राम्रो भएपनि ब्याटिङमा आफूले सोचेको जस्तो हुन नसकेको बताउनु भयो । खेलमा सधैँभरी राम्रो नै हुन्छ भन्ने नसकिने र उत्तारचढाव भइरहने बताउनु भयो । समग्रमा विश्वकपबाट अनुभव लिएको बताउनु भयो ।
उहाँले भन्नुभयो, ‘समग्रमा राम्रो भयो । टिमले राम्रो खेल्यो । बलिङ मबाट राम्रो थियो, ब्याटिङमा राम्रो भएन । मेरो पनि धेरै आशा थियो, भएन । कहिले कहीँ खेलाडीमा यस्तो हुन्छ । अनुभव राम्रो भयो ।’ त्यस्तै आकाश चन्दले टिमले राम्रोसँग खेलेको बताउनु भयो । उहाँले सुपर सिक्समा पुग्नु नै देश र आफूहरुको लागि राम्रो कुरा भएको बताउनु भयो । उहाँले भन्नुभयो, ‘टिमले राम्रो खेल्यो । सुपर सिक्समा पुग्न सक्यौँ धेरै नै राम्रो भयो । अझै राम्रो हुन सक्थ्यो ।’
त्यस्तै सुवास भण्डारीले पनि सुपर सिक्समा राम्रोसँग खेल्न नसकेको बताउनु भयो । उहाँले खेलबाट धेरै कुराहरु सिक्ने अवसर पाएको बताउनु भयो । उहाँले भन्नुभयो, ‘सुपर सिक्समा अलि राम्रो खेल्न सक्थ्यौँ भएन । अरु धेरै नयाँ कुराहरु सिकियो । आफ्नो प्रदर्शनीबाट खुशी छु ।’
यु १९ टोलीका प्रशिक्षक जगत टमाटाले खेलाडीहरुको प्रदर्शनीबाट खुशी रहेको बताउनु भयो । उहाँले विश्वकप समग्रमा राम्रो भएको बताउनु भयो । उहाँले यु १९ टिममा राम्रा खेलाडीहरु भएकाले आगमी दिनमा नेपाली क्रिकेटको भविष्य उज्वल रहेको बतँउनु भयो ।
उहाँले भन्नुभयो, ‘समग्रमा विश्वकप एकदमै राम्रो भयो । फ्यानहरुले एकदम सपोर्ट गरेको थियो । यु १९ टिमले एकदमै राम्रो खेल्यो । यो मेरो लागि र नेपालको क्रिकेटका लागि एकदमै खुशीको कुरा हो । वल्र्डकप क्वालिफायर्स महत्वपूर्ण थियो, त्यो हामीले पार गरेका छौँ । विश्वकप जोर्नी टिम, मेरो र नेपाली क्रिकेटको लागि राम्रो हो । सबै सदस्य त्यति नै महत्वपूर्ण हुन्छन् । आफ्नो दिन भएकाले राम्रो खेले । ब्याटिङमा गुलशनको राम्रो हुन सकेन, उसको ब्याड लक नै हो । उसले धेरै कुरा सिकेको छ । आगामी दिनमा राम्रो गर्नसक्छ ।’ विश्वकप खेलेर आएको नेपाली टोलीलाई विमानस्थलमा नेपाल क्रिकेट संघका पदाधिकारीहरुले स्वागत गर्नुभएको थियो ।
