एजेन्सी,११ माघ । घरेलु मैदान सान्टियागो बर्नाबाउमा स्पेनिस महारथी रियल मड्रिड कमजोर मानिएको लेगानेससँग पराजित भएको छ ।
रियल मड्रिड कोपा डेल रे कप अन्र्तगत गएराति आफ्नै मैदानमा भएको दोस्रो लेगमा लेगानेससँग २–१ ले पराजित भएको हो । लेगानेसको जितमा इरासो र पिरेसले एक एक गोल गरे भने रियल मड्रिडका लागि बेन्जेमाले एक गोल फर्काए ।
लेगानेसविरुद्धको पहिलो लेगमा रियल मड्रिड १–० ले विजयी भएको थियो । समग्रमा २–२ गोलको बराबरी भएपनि आफ्नै मैदानमा दुई गोल खाएका कारण रियल मड्रिड कोपा डेल रे कपबाटै वाहिरिएको छ ।
रियल मड्रिडले ला लिगामा पनि खराब प्रदर्शन गर्दै आएको छ । डिफेन्डिङ च्याम्पियन रियल मड्रिड १९ खेल सकिंदा अंक तालिकाको चौंथो नम्बरमा छ ।
