काठमाडौं, २ माघ । सोमबार बिहान ९ः५० बजेको समयमा ललितपुरको इमाडोलमा इनारभित्र खसेकी महिलाको सकुशल उद्धार भएको छ ।
दोलखा घर भई ललितपुर महालक्ष्मी न.पा.–३ खन्ना गारमेण्ट नबिनटोल बस्ने वर्ष २८ की नुतन प्रधान कपडा सुकाउने क्रममा इनार फुटेर खसेकी थिइन् ।
घरको कम्पाउण्ड भित्र रहेको ३० फिट गहिरो ईनारभित्र खसेको जानकारी प्राप्त हुनासाथ नेपाल प्रहरी, स.प्र.बल, नेपाल र ललितपुर म.न.पा.को दमकल सहितको उद्दार कार्यमा खटिएको थियो ।
टोलीले सकुशल उद्धार गरि थप उपचारको लागि पाटन अस्पताल लगिएको प्रहरीले जनाएको छ ।
