रौतहट, ९ माघ । रौतहटको सन्तपुरमा धुर्मुस सुन्तली फाउन्डेसनले बनाएको एकीकृत नमुना बस्ति अन्तिम चरणमा पुगेको छ ।
नमुना बस्ति बनाउने काम अन्तिम चरणमा पुगेपनि रकमको अभाव भएको फाउन्डेसनले जनाएको छ । बस्ति बनाउनको लागि खरिद गरेको सामानको एक करोड भन्दा धेरै रकम तिर्न बाँकी छ । निर्वाचनका कारण सोचे अनुसारको रकम संकलन हुन नसकेको अभियन्ता सिताराम कट्टेलले बताए ।
५ करोड ९५ लाखको लागतमा बनाउन लागिएको नमुना बस्तिका लागि अझै एक करोड ३० लाख रकम अपुग भएको फाउन्डेसनको भनाई छ । बस्ति हस्तान्तरण गर्ने समय नजिकिएकाले फाउनडेसन रकम संकलनमा जुटेको छ । अहिलेसम्म साढे चार करोड भन्दा धेरै रकम प्राप्त भएको छ । नमुना बस्ति बाढी पीडितलाई माघ अन्तिममा हस्तान्तरण गर्ने तयारी छ ।
