एजेन्सी,१ पुस । धिरुभाई अम्बानी स्कूलको ‘वार्षिक दिवस’ समारोहको दोस्रो दिन अभिषेक बच्चन र ऐश्वर्या राई देखिएका थिए । अभिषेक हल्का औपचारिक पोशाकमा देखिएका थिए। ऐश्वर्या नीलो सलवार सूटमा देखिएकी थिइन् । अभिषेक र ऐश्वर्याकी छोरी आराध्या धिरुभाई अम्बानी इन्टरनेशनल स्कूलमा पढ्छिन् । अभिषेक र ऐश्वर्याबीच अहिले पारिवारिक विवाद भइरहेको छ । कतिले त सम्बन्ध विच्छेद हुन लागेको समेत अनुमान गरिरहेका छन् । ‘एनुअल डे’ को दोस्रो दिन नीता अम्बानी पनि गुलाबी रेशमी साडीमा देखिएकी थिइन् ।
इशान खट्टर आफ्नी आमासँग देखिएका थिए । दुवैले फोटोग्राफीका लागि पोज पनि दिएका थिए । इशान हालै फिल्म ‘पिप्पा’ मा देखिएका थिए । तर, यो फिल्मले बक्स अफिसमा खासै कमाई गर्न सकेन । शाहिद कपुरकी पत्नी मीरा राजपूत पनि थिइन् । चर्चित फोटोग्राफर डब्बू रतनानी आफ्नी श्रीमतीसँग देखिए । क्रिकेटर हरभजन सिंह पनि आफ्नी श्रीमतीसँग भेटिएका छन् ।
धीरुभाई अम्बानी इन्टरनेशनल स्कूल २००३ मा सुरु भएको थियो। मुकेश अम्बानीका पिताको सम्झनामा खोलिएको यस विद्यालयको संस्थापक नीता अम्बानी हुन् । यो विद्यालय भारतको प्रसिद्ध विद्यालयहरूमा गनिन्छ । यहाँ धेरै सेलिब्रेटीका छोराछोरी पढ्छन् । अभिषेक–ऐश्वर्याकी छोरी आराध्यासँगै शाहरुख खान र गौरीको कान्छो छोरा अब्राम खान पनि यहाँ पढ्छन्।
अनन्या पाण्डे, सुहाना खान, जान्हवी कपूर, आर्यन खान, सारा अली खान लगायतका स्टार किड्सले यही विद्यालयबाट पढेका छन् । यिनीहरू बाहेक क्रिकेटर सचिन तेन्दुलकरका छोराछोरी अर्जुन तेन्दुलकर र सारा तेन्दुलकरले पनि यहीँबाट आफ्नो पढाइ पूरा गरेका छन् ।
