काठमाडौंं, २३ कार्तिक ||
नेकपा एकीकृत समाजवादीका सम्मानित नेता झलनाथ खनालले जाजरकोट र रुकुम पश्चिममा भूकम्प पीडितहरुले राहत नपाएको भन्दै तत्काल राहत उपलब्ध गराउन सरकारको ध्यानाकर्षण गराउनु भएको छ । बिहीवार काठमाडौंमा आयोजित एक कार्यक्रममा नेता खनालले तत्काल राहत उपलब्ध गराउन सरकारको ध्यानाकर्षण गराउनु भएको हो । उहाँले सरकारले एकद्वार प्रणालीबाट उद्धार र सेवा कार्य गर्ने भनेपनि राहत वितरणमा ढिलासुस्ती र अनियमितता भइरहेको भन्दै सरकारको आलोचना गर्नुभयो । महिला, वृद्धवृद्धा र बालबालिकाले राहत तथा खानपिन नपाएको तर्फ सचेत रहन आग्रह गर्दै नेता नेपालले सुत्केरी महिलाले त्रिपालसम्म नपाएको गुनासो सम्बोधन गर्नु पर्नेमा जोड दिनु भयो । नेता खनालले नेपाल भूकम्पको जोखिममा रहेको उल्लेख गर्दै सरकारले आवश्यक पूर्वयोजनाका कार्यक्रम अघि बढाउनुपर्ने औंल्याउनु भयो । ०००
