काठमाडौं, १६ कात्तिक । प्रधानसेनापति बन्ने लाइनमा रहेका उपरथी ताराध्वज पाण्डेको शैक्षिक प्रमाणपत्रमै केरमेट भएको पाइएको छ ।
पाण्डेले जागिर खान र रथी बढुवा भएर भावी प्रधानसेनापति बन्ने लाइनमा बस्न एसएलसी परीक्षाफलको ढड्डामै केरमेट गरेको पाइएको हो ।
परीक्षा नियन्त्रण कार्यालय सानोठिमीको ढड्डामै घुसेर ‘मार्क रजिष्टर’ मा केरमेट गरी उमेर सच्चाएको खुलेको हो ।
ढड्डामा साविक जन्ममिति २०२१ माघ १२ लाई केरमेट गरेर २०२३ मंसिर २२ कायम गरिएको छ ।