काठमाण्डौ, ११ कार्तिक
प्रधानमन्त्री पुष्पकमल दाहाल प्रचण्डले कतारका राजा शेख तमिम विन हमद अल थानीको छिट्टै नेपाल भ्रमण हुने बताउनुभएको छ ।
राष्ट्र संघका महासचिव एन्टोनियो गुटेरेस नेपाल भ्रमणबाट फर्के लगत्तै कतारका राजा थानीको नेपाल भम्रण हुने प्रचण्डले जानकारी दिनुभएको हो ।
दशैँ, तिहार लगायतका चाडपर्वको अवसर पारेर शनिवार नेपाली काँग्रेसले पार्टी केन्द्रिय कार्यालय सानेपामा आयोजना गरेको शुभकामना आदानप्रदान तथा चियापान कार्यक्रममा उहाँले सरकारको कुटनीतिक सफलताका कारण नेपालमा अन्तर्राष्ट्रिय स्तरका ठूलो भ्रमण हुन लागेको दाबी समेत गर्नुभयो ।
आईतवार राति (भोलि)नेपाल आउँदै हुनुहुन्छ । प्रधानमन्त्री दाहालले राष्ट्र संघका महासचिव गुटेरेसको भ्रमणले नेपालको प्रतिष्ठा र नेपाली जनताको आवश्यक्ता सम्बोधनमा महत्वपूर्ण भुमिका खेल्ने विश्वास व्यक्त गर्नुभयो ।
प्रधानमन्त्री दाहालले ठूला दलहरुले मिलेरै मुलुकलाई अघि बढाउने बताउनु भयो ।
