काठमाण्डौ, ११ कार्तिक
राष्ट्रिय स्वतन्त्र पार्टीका सभापति रवि लामिछानेले ०८४ सालको आम निर्वाचनमा सबै राजनीतिक दलहरुलाई पराजित गर्ने दाबी गर्नु भएको छ ।
शनिवार ललितपुरमा आयोजित एक कार्यक्रमलाई सम्बोधन गर्दै सभापति लामिछानेले अबको आम निर्वाचनमा रास्वपा विजयी हुने दाबी गर्नुभएको हो । उहाँले नयाँ दलका रुपमा २१ जना सांसदहरु सदनमा आउँदा समेत प्ुराना दलहरु नचेतेको उल्लेख गर्नुृ भयो ।
राजनीतिक दलहरुले जनताको विश्वास गुमाइसकेको अहिले नै स्पष्ट भइसकेको भन्दै उहाँले ८४ सालसम्मका यसको परिणम देखिने ठोकुवा गर्नुभयो ।
दिनदहाडै हत्या गर्नेहरुलाई संविधान दिवसका दिनमा मुक्ति दिएर दलहरुले नयाँ दल र जनतालाई के गर्नसक्छौँ गर भन्ने चुनौति दिएको तर्क गर्नुभयो ।
सभापति लामिछानेले नेपालीहरुको सुनौलो भविष्य भन्ने दल र नेताहरुले आफ्ना र आफान्तका लागि सुनैसुनको महल खडा गरेको आरोप लगाउनु भयो । ०००
