एजेन्सी, ७ असोज । पाकिस्तानबाट भारत आएकी सीमा हैदर अक्सर चर्चामा रहन्छिन् । सीमा हैदर आफ्ना श्रीमान् गुलाम हैदरसँग पाकिस्तान फर्किने चर्चा धेरै दिनदेखि भइरहेको छ । भारतमा सचिनको परिवारले सीमालाई कुट्ने हल्ला चलिरहेको छ ।
वास्तवमा, विगत केही दिनदेखि सामाजिक सञ्जालमा एउटा भिडियो भाइरल भइरहेको छ, जसमा उनी अब पाकिस्तान फर्कने तयारी गरिरहेको सुनिएको छ । भाइरल भइरहेको भिडियोमा सीमा हैदरलाई भनिएको सुन्न सकिन्छ, “‘.साथीहरू म गुलाम हैदरसँग फर्कदैछु। मलाई यहाँ पिटाइन्छ।
सचिनका बुबा सञ्जनले मलाई दिनहुँ कुट्छन्, भन्छन्, तिमीलाई यहाँ ल्याएर हामीले गल्ती ग¥यौं। अनि मसँग जति पैसा थियो, त्यो पनि खोसे। अब उनीहरूले मलाई दिनहुँ पिट्छन् र मलाई फर्कन भनेका छन्। तिनीहरूले मेरा छोराछोरीलाई मार्छन्। यो भिडियो भाइरल भएपछि अब सीमा हैदर साँच्चै पाकिस्तान फर्किन लागेकी हुन् भन्ने लाग्छ ।
यदि हो भने उनी कहिले पाकिस्तान जाँदैछिन ? विश्वास न्यूजले सीमा हैदरसँग सम्बन्धित भाइरल भिडियोको छानबिन गरेको छ । विश्वास न्यूजको अनुसार यो भाइरल भइरहेको भिडियो वास्तविक नभई डिजिटल रूपमा बनाइएको भिडियो हो । साथै यससँगै गरिएको दाबी पनि गलत हो ।
