एजेन्सी, १८ भदौ । आईतवार राति हुथी नियन्त्रित यमनको राजधानी सानामा रहेको एउटा ग्यास स्टेशनमा बिष्फोट भएको छ ।
बिष्फोटका कारण आगलागी भएको बताइएको छ । राजधानी उत्तरपूर्वी भगमा रहेको अल खुराफी सैन्य शिविरको अगाडि रहेको मुजाफर ग्यास स्टेशनमा बिष्फोट भएको हो ।
हुथी सेनाहरुले सो क्षेत्रलाई घेरा हालेका थिए । बिष्फोटको आवाज पूरा शहरमा सुनिएको प्रत्यक्षदर्शीले बताए ।
त्यसपछि लागेको आगो पूरा शहरबाट देखिएको थियो । हुथी समूहले स्टेशनमा विद्युत सर्टका कारण आगलागी भएको हुनसक्ने बताइएको छ । आगोबाट बच्न स्थानीयले आफ्नो घर खाली गरेका थिए ।
