काठमाडौं । एसिया कप क्रिकेटमा पाकिस्तानले नेपाललाई ३४३ रनको चुनौती दिएको छ ।
पाकिस्तानको मुल्तान क्रिकेट स्टेडियममा जारी खेलमा टस जितेर पहिले ब्याटिङ गरेको पाकिस्तानले निर्धारित ५० ओभरको खेलमा ६ विकेट गुमाएर ३ सय ४२ रन बनाएको हो ।
पाकिस्तानका लागि बाबर आजमले शानदार सतक पुरा गरे । उनले १३१ बल खेलेका बाबरले १४ चौका र ४ छक्काको सहयोगमा १५१ रन बनाए ।
त्यस्तै इस्तफिकरले १०९ रनको शतकीय पारी खेले । पकिस्तानका मोहमद रिजवानले ४४ रन बनाउँदा फकर जमानले १४ रनको योगदान गरे ।
नेपालका लागि सोमपाल कामीले दुई विकेट लिए । त्यस्तै सन्दीप लामिछाने र करण केसीले एक एक विकेट लिए ।
आजको खेलमा जित निकाल्दै नेपाललाई इतिहास रच्ने मौका छ । त्यस्तै पाकिस्तान पनि आजको खेलमा जित निकाल्दै प्रतियोगिताको सुखद सुरुवात गर्ने योजनामा छ ।
