नयाँ दिल्ली, ३ भदौ । लामो समयपछि बक्स अफिसमा धेरै फिल्म रिलिज भएका र सबैले राम्रो व्यापार गरिरहेका देखिएका छन् । यसमा, सन्नी देओलको ’गदर २’ ले बक्स अफिसमा सबैभन्दा छिटो कमाई गर्ने क्रममा जारी राखेको छ, पहिलो हप्तामै टिकट विन्डोमा २०० करोडभन्दा बढी कमाई गरेको छ ।
फिल्मले दोस्रो हप्ताको शुक्रबार ३ सय करोडको आँकडा पार गरेको छ । यसैबीच शनिबारको तथ्यांक पनि अचम्मको छ । ‘गदर २’ रिलिज भएको ९ दिन बितिसकेको छ तर यति दिन बितिसक्दा पनि फिल्मलाई लिएर मानिसको क्रेज कम हुन सकेको छैन । यसको प्रमाण फिल्मको दिन प्रतिदिनको तथ्यांक हो ।
जसरी दर्शकको जोश कायम रहेको देख्दा दोस्रो साता पनि पहिलो साता जस्तै राम्रो कमाइ हुने देखिन्छ । फिल्मले दोस्रो शुक्रबार अर्थात् रिलिजको आठौं दिनमा २०.५० करोड कमाएको थियो । योसँगै फिल्मले ९ औं दिन करिब ३५ करोडको व्यापार गरेको छ । योसँगै फिल्मको कलेक्सन ३ सय ३५ करोड पुगेको छ ।
आइतवारको तथ्यांक हेर्दा फिल्मको कमाईमा उछाल आउने अनुमान गर्दै ३५० करोड नाघ्ने सम्भावना छ । शाहरुख खानको ‘पठान’ पछि सन्नी देओलको ‘गदर २’ यो वर्षको दोस्रो ठूलो ओपनर हो । फिल्मले ‘पठान’को कुल रेकर्ड तोड्छ कि गर्दैन त्यो हेर्न रोचक हुनेछ ।
घरेलु बक्स अफिसमा फिल्मले अहिलेसम्म ३५० करोडको आँकडा पार गरेको छैन । तर, चलचित्रले घरेलु बक्स अफिसमा ४ सय करोडको कमाई गर्ने क्रममा छ । ‘गदर २’ ले विश्वभर ३९५ करोड १० लाख कमाएको छ ।
