काठमाडौं, २६ साउन । करिब क्विन्टल सुन तस्करी प्रकरणमा थप २ जना चिनियाँ नागरिक पक्राउ परेका छन् ।
त्रिभुवन अन्तर्राष्ट्रिय विमानस्थल हुँदै चीन भाग्न लागेका ली जियालिन र लिउ फुयानलाई विमानस्थल अध्यागमन कार्यालयले गए राति नियन्त्रणमा लिएको हो । उनीहरुलाई प्रहरीलाई जिम्मा लगाएको छ ।
उनीहरु हिमालयन एयरलाइन्स हुँदै चीन जान लागेका थिए । हङकङबाट क्याथे प्यासेफिकको उडानमा ल्याइएको तस्करीको सुन प्रकरणका दुई जना नै मुख्य अभियुक्त मध्येको रहेको बताइएको छ ।
सोही प्रकरणमा तिब्बत मुलका बेल्जियम नागरिक र भारतीय नागरिकसहित १८ जना पक्राउ परेका थिए ।
