काठमाडौं, २१ साउन । सर्लाहीको मलंगवामा एक युवकको शव फेला परेको छ । मलंगवा नगरपालिका–९ स्थित श्रीमती कृष्णदेवी माध्यमिक विद्यालयमा पहिचान नखुलेका युवक मृत अवस्थामा भेटिएका हुन् ।
विद्यालय भवनको बरण्डामा स्थानीयले देखेर प्रहरीलाई खबर गरेका थिए ।
शव पोस्टमार्टमका लागि प्रादेशिक अस्पताल मलंगवामा लगिएको प्रहरीले जनाएको छ । प्रहरीको अनुसार मृतक युवकको शरीरमा कुनै चोट देखिएको छैन् ।
