काठमाडौं, १५ साउन । सत्तारुढ दल नेकपा(एकीकृत समाजवादी)ले सम्पुर्ण बैठक पछि सारेको छ । आज केन्द्रीय सचिवालय बैठक बस्ने भनिएको थियो । पार्टी केन्द्रीय कार्यालयमा बोलाइएको सचिवालय बैठक आगामी साउन १९ गते बिहान ८ बजेको लागि बोलाइएको छ ।
नयाँ मिति अनुसार सचिवालय बैठक चम्पादेवीस्थित पुष्पलाल स्मृति प्रतिष्ठानमा, स्थायी कमिटी २० र २१ गते बिहान ११ बजेदेखि पार्टी केन्द्रीय कार्यालय आलोकनगरमा, पोलिटब्युरो भदौ ३ र ४ गते ११ बजे पार्टी कार्यालय र केन्द्रीय कमिटी बैठक भदौ ५ देखि ७ गतेसम्म कान्तिपुर गार्डेन ब्यांक्वेट ललितपुरमा हुनेछ ।
बैठकमा रिपोर्टिङ, राजनीतिक प्रतिवेदन माथि छलफल, समसामयिक परिस्थिति र पार्टीको कार्यभारलगायतका विषयमा छलफल हुने जनाइएको छ । यसअघि पार्टीले आगामी साउन १६ र १७ गते स्थायी कमिटी, १८ र १९ गते पोलिटब्यूरो र २० र २१ गते केन्द्रीय कमिटी बैठक बस्ने तय गरेको थियो ।
