काठमाडौं, ५ साउन । नेपाली बजारमा आज सुनको भाउमा गिरावट आएको छ । आज सुन तोलामा ८ सय रुपैयाँले घटेको हो । नेपाल सुनचाँदी व्यवसायी महासंघको अनुसार आज छापावाल सुन प्रतितोला १ लाख १२ हजार ८ सय रुपैयाँ कायम भएको छ ।
हिजो १ लाख १३ हजार ६ सय रुपैयाँमा कारोबार भएको थियो । बिहीबार सुनको मुल्यले इतिहासकै उच्च रेकर्ड राखेको थियो । आज तेजावी सुनको मुल्य प्रतितोला १ लाख १२ हजार २५० रुपैयाँमा कारोबार भइरहेको छ ।
त्यसैगरी, चाँदीको मुल्य पनि आज घटेको छ । शुक्रबार चाँदी प्रतितोला १५ रुपैयाँले घटेर तोलाको १४ सय ८० रुपैयाँमा खरिद बिक्रि भइरहेको महासंघले जनाएको छ ।