एजेन्सी, ५ साउन । अहिले टमाटरको मूल्य बढेको भारतमा चर्चाको विषय बनेको छ । सुनील शेट्टी र उर्फी जावेद लगायत धेरै सेलिब्रेटीहरूले पनि टमाटरको मूल्य बढेकोमा प्रतिक्रिया दिएका छन् । सुनिलपछि अब शिल्पा शेट्टीले पनि यसबारे आफ्नो प्रतिक्रिया दिएकी छिन् । अभिनेत्रीले आफ्नो सामाजिक सञ्जालमा एउटा रमाइलो भिडियो शेयर गरेकी छिन् ।
भिडियोमा शिल्पा शेट्टी मल भित्र टमाटर किन्दै देखिएकी छिन् । टमाटर उठाएर गालामा छुने बित्तिकै पृष्ठभूमिमा अभिनेत्रीको फिल्म ‘धडकन’ को संवाद सुनिन्छ । संवाद हो,‘मलाई छुने प्रयास गर्ने होसियार ।’ तिमीले मलाई कुन अधिकारले छोयौ ? ममाथि तिम्रो कुनै अधिकार छैन् ।
यसपछि शिल्पा शेट्टीले टमाटरलाई जहाँबाट उठाएकी थिइन्, त्यहीँ राख्छिन् । भिडियो शेयर गर्दै शिल्पाले क्याप्सनमा लेखेकी छिन्,‘टमाटरको मूल्यले मेरो मुटुको धड्कन बढाइरहेको छ ।’
फ्यानदेखि लिएर सेलिब्रेटीसम्म सबैले यो फनी भिडियोमा रमाइलो प्रतिक्रिया दिइरहेका छन् । भिडियोमा कमेन्ट गर्दै एक प्रयोगकर्ताले लेखेका छन्,‘टमाटरले अञ्जलीलाई भनेको हुनुपर्छ,म तिमीलाई छुन सक्दिन, यो हुन सक्दैन, तिमी मलाई छुन, म यो हुन दिने छैन ।’ अर्काले लेखे,‘म्याडम, सुनको टमाटर पनि तपाईका लागि महँगो छैन् । जबकि अर्काले लेखे, ’म्याडम, तपाईंले पूरै टमाटर कारखाना स्थापना गर्न सक्नुहुन्छ’।
