एजेन्सी । बलिउड अभिनेत्री आथिया शेट्टीले हालै क्रिकेटर केएल राहुलसँग विवाह गरेकी छन् । सामाजिक सञ्जालमा जोडीको विवाहको तस्बिरको चर्चा छ । आथिया विवाहपछि पहिलो पटक सार्वजनिक रुपमा देखा परेकी छिन्, जसको भिडियो सामाजिक सञ्जालमा भाइरल भइरहेको छ ।
विवाहको केही दिनपछि शनिबार आथिया शेट्टी पहिलो पटक बाहिरिएको देखिएकी थिइन् । आथिया सैलुनबाट बाहिर निस्केको देखिन्छ । क्लिपमा, फोटोग्राफरहरूले उनलाई केही बेर पर्खन भने तर उनी आफ्नो कारतिर दौडिन्। त्यसपछि उनलाई फोटोग्राफरहरुले बधाई दिए । आथियाले धेरै पटक ‘धन्यवाद’ भनेकी थिइन् । त्यसपछि उनी अगाडि बढिन् । नयाँ दुलहीले सेतो प्यान्ट र हिलसहित खैरो र क्रीम लाइन भएको शर्ट लगाएकी थिइन्।
आथिया र केएल राहुलले २३ जनवरी मंगलबार आफ्नो बुबा–अभिनेता सुनील शेट्टीको खण्डालाको फार्महाउसमा विवाह गरेका थिए । विवाहपछि यी जोडीले मिडियासामु चर्को पोज दिएका थिए । सुनिलले यो जोडीको विवाहको रिसेप्शन आइपिएल सिजनपछि हुने पनि खुलासा गरेका छन् । आथिया र केएल राहुलले राउन्ड लिएको केही घण्टापछि सामाजिक सञ्जालमा विवाहको घोषणा गरेका थिए ।
