काठमाडौं, २४ असार ।प्रधानमन्त्री पुष्पकमल दाहाल प्रचण्डले सदन खुलाउनेबारे शीर्ष नेताहरुसँग छलफल सुरु गरेका छन् । प्रचण्डले नेकपा एमालेका अध्यक्ष केपी शर्मा ओली र नेपाली कांग्रेसका सभापति शेरबहादुर देउवासँग छलफल गर्न लागेका हुन् ।
एमालेले प्रधानमन्त्री प्रचण्डले आफूलाई प्रधानमन्त्री बनाउन सरदार प्रितम सिंह पटक–पटक दिल्लीसमेत गएको भनेर अभिव्यक्ति दिएपछि त्यसको विरोधमा एमालेले दुवै सदन अबरुद्ध गर्दै आएको छ ।
आज पनि एमालेले राष्ट्रियसभाको बैठक अबरुद्ध बनाएको हो । प्रधानमन्त्रीले राजीनामा दिनुपर्ने उनीहरुको माग छ । प्रचण्डको अभिव्यक्तिपछि एमाले,रास्वपा र राप्रपाले अवरोध गर्दै आएको छ । प्रतिनिधि सभा बैठक आज बोलाइएको छ ।
