सर्लाही । आफ्नै श्रीमतीको हत्या गर्ने एक पुरुषलाई प्रहरीले पक्राउ गरेको छ ।
हरिवन नगरपालिका ५ घुर्कोली टोलद बस्ने ३५ वर्षीय राम भरोश महतोलाई प्रहरले शुक्रबार दिउँसो पक्राउ गरेको हो । उनले आफ्नै श्रीमती २८ वर्षीया नैन कुमारी महतोलाई धारिलो हतियार खुकुरी प्रहार गरी हत्या गरेको अभियोग लागेको छ ।
घरायसी झगडाको कारण आफ्नै श्रीमतीलाई खुकुरी प्रहार गरी हत्या गरेको भनी राम भरोशले ईलाका प्रहरी कार्यालय हरीवनमा आफै उपस्थित भई जानकारी गराउनासाथ उनलाई प्रहरीले पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
