काठमाडौं, २२ असार । कोशी प्रदेशका नवनियुक्त मुख्यमन्त्री उद्धव थापासहित २ जनाले शपथ लिएका छन् । मुख्यमन्त्री थापासहित नेपाली कांग्रेसका प्रदीप सुनुवार र नेकपा एकीकृत समाजवादीका कमल जवेगुले मन्त्रीको शपथ लिएका हुन् ।
सुनुवार र जवेगुलाई मन्त्रालयको जिम्मेवारी दिइएको छैन् । उनीहरुलाई शुक्रबार बिहान प्रदेश प्रमुख पर्शूराम खापङुले पद तथा गोपनियताको शपथ गराएका हुन् ।
थापा मुख्यमन्त्रीमा बिहीबार नियुक्त भएका हन् । उनलाई बिहीबार प्रदेश प्रमुख खापुङले मुख्यमन्त्रीमा नियुक्त गरेका हुन् । थापाले प्रदेश सभामुखलाई माओवादीको सांसदमै गणना गरी गठबन्धनको तर्फबाट मुख्यमन्त्रीमा दाबी पेस गरेका थिए ।
कांग्रेस, माओवादी केन्द्र, नेकपा एस र जसपा संसदीय दलका नेताको हस्ताक्षरसहित थापाले संविधानको धारा १६८ (२) बमोजिम मुख्यमन्त्रीको लागी दाबी पेस गरेका हुन् ।
